រឿងមិត្តនៅវិទ្យាល័យជាល្ខោនភាគវិទ្យុបែបលក្ខណៈអប់រំ ដែលឆ្លុះបញ្ចាំង ពី ជីវិតពិត រឿងរ៉ាវពិតរបស់យុវវ័យ ដែលឋិតនៅវ័យសិក្សា ។ នៅក្នុងសាច់រឿងនេះ ក្រុមអ្នកនិពន្ធ បានចុះធ្វើការសាកសួរ និងស្រាវជ្រាវទៅលើយុវវ័យមួយចំនួន នៅក្នុងរាជធានីភ្នំពេញ និង តាមបណ្តាខេត្តមួយចំនួន ។ រឿងនេះបានបង្ហាញដល់សាធារណៈជន ជាពិសេសអាណាព្យាបាល លោកគ្រូអ្នកគ្រូអោយបានដឹងពីល្បិចខិលខូចរបស់កូនៗ ដើម្បីទប់ស្កាត់កុំអោយពួកគេ ដើរផ្លូវខុស ដូចតួអង្គក្នុងរឿង រ៉ាដា .នួន .. ដែលមិនស្តាប់បង្គាប់ឪពុកម្តាយរហូតដល់គេចសាលា ញៀនថ្នាំ ទីបញ្ចប់ពួកគេក៏ប្រលងធ្លាក់ ចង់សម្លាប់ខ្លួន តែដោយសារមានការលើកទឹកចិត្ត ពីសាច់ញាត្តិ មិត្តភក្តិ ពួកគេក៏បានកែប្រែខ្លួនវិញ និងរឿងរ៉ាវជាច្រើនទៀតតួអង្គ ម៉ូនីកា ដែលតែងតែគិតថាម្តាយចុងជាមនុស្ស មិនល្អ ចិត្តអាក្រក់ តែទីបំផុតនាងក៏ភ្ញាក់ខ្លួនព្រោះមិនមែនអោយតែម្តាយចុងសុទ្ធតែជាមនុស្សអាក្រក់ទាំងអស់នោះទេ ម៉ូនីកា សុំទោស ម្តាយចុង និង លើកលែងទោសអោយម្តាយបង្កើតរបស់នាង ។ សាច់រឿងនេះក៏បង្ហាញពីការខិតខំប្រឹងប្រែងរៀនសូត្រ របស់យុវវ័យមួយចំនួន រហូតទទួលបានលទ្ធផលល្អ ។